Afhverju má hún ekki

Hvers vegna má hún ekki ættleiða á meðan A. Joile og síðar með henni hr. Pitt mega ættleiða og ekki sagt orð við því?  Þetta er eitthvað sem ég skil ekki.  Með því að ættleiða er hún að veita barninu gott líf allsnægta.

Deilt um fyrirhugaða ættleiðingu Madonnu

Mjög brýnt

Þetta er mjög þörf umræða.  Það er skammarlegt að við séum svona aftarlega á merinni varðandi þetta mál miðað við þau lönd sem við berum okkur helst saman við.  Auðvitað ættu tannlækningar fyrir börn undir 18 ára aldri að vera ókeypis.  Þetta er málefni sem mikil þörf er að taka upp á alþingi íslendinga.  Það ættu allir flokkar að taka þetta upp vegna þess að í þeim efnahagsþrengingum sem við göngum í gegnum núna er þetta mjög mikilvægt.  Nú er verið að boða að reist verði skjaldborg um heimilin í landinu og tannlækningar barna er mjög stór kostnaðarliður á flestum heimilum.  Ókeypis tannlækningar fyrir börn á að vera hluti af þessari skjaldborg.

10 þúsund krefjast ókeypis tannlækninga fyrir börn

Rúmur mánuður til kosninga

Nú er rúmur mánuður til kosninga og margt getur gerst á þeim tíma.  Ég hef trú á því að fylgi við L - lista fullveldissinna eigi eftir að rísa allverulega í skoðanakönnunum fram að kosningum þar sem L - listinn er eina framboðið sem boðar afgerandi andstöðu við ESB.

Nú er það orðið nokkuð ljóst að allir flokkar stefna ljóst og leynt að ESB inngöngu.  Að ganga að samningaborðinu núna er það allra versta sem komið getur fyrir landið og þjóðina.  Það hlýtur hver að sjá að við höfum ekkert að semja um.  Við erum í ómögulegri aðstöðu til að ætla að semja um einhver sérákvæði. Það virðist engin hafa hugleitt afhverju ESB er svo umhugsað að Ísland sæki akkúrat núna um aðild.  Það er eingöngu vegna þess að við erum í hræðilegri stöðu til að semja. Við erum veik fyrir og það ætlar ESB að nýta sér.

Núna er ekki rétti tíminn til að kjósa um hvort við eigum að sækja um aðild að evrópusambandinu.  Núna er rétti tíminn til að kjósa forystu sem einblínir á að greiða úr óreiðunni og laga hlutina.  Að ganga í ESB núna gerir illt verra.  

Hvað heldur hann að hann sé þessi maður

Það er að sannast það sem ég hef sagt undanfarið.  Þessi drengur, því ekki hagar hann sér eins og fullorðinn maður, heldur að hann sé ennþá í leikskóla.  Mér finnst með ólíkindum að hann skuli láta annað eins útúr sér.  Hann Sigmundur Davíð ætti bara að gera landi og þjóð greiða og hætta strax í pólitík. 

Undrandi á orðum Sigmundar

X við L

L - listi fullveldissinna er framboð er talar máli fólksins í landinu. Á bak við listann er ekki flokksmaskína sem gerir það að verkum að samband kjósenda við frambjóðendur verður persónulegra. Þessi nálægð landsmanna við framboðið leiðir af sér að fólk á auðveldara með að koma sínum skoðunum á framfæri.  Í því felst lýðræði. Að kjósa á þing fólk sem hefur beint umboð frá fólkinu í landinu.

Þess vegna ætla ég að setja X við L.

L-listinn teflir fram sr. Þórhalli og Guðrúnu í Kraga og NV-kjördæmi

Prófkjör

Prófkjör gefa alls ekki rétta mynd af vilja þjóðarinnar.  Í prófkjöri kemur eingöngu í ljós vilji þeirra sem eru skráðir félagsmenn í viðkomandi flokki.  Eftir allt sem á undan er gengið hlýtur megin þorri þjóðarinnar að vilja breytingar.  L - listinn er stjórnmálahreyfing er samanstendur af fólki sem þorir að stíga fram og bjóða flokksvaldinu birginn.  L - listinn er á móti inngöngu í ESB og er eini framboðslistinn sem tekur afgerandi stöðu gagnvart þessu mikilvæga máli.

Að mínu mati er spurningin um það hvort Ísland á að ganga í Evrópusambandið ekki það sem aðalmáli skiptir.  Það sem er aðalmálið er að skapa efnahagslegan stöðuleika og tryggja það að heimili og fyrirtæki í landinu fari ekki á hausinn.  Það hlýtur að vera og verður að vera forgangsverkefni komandi ríkisstjórnar.  Þegar því mikilvæga verkefni er lokið eða komið mjög vel á veg þá fyrst finnst mér hægt að fara að tala um það hvort Ísland eigi að ganga í ESB.  Þegar sú stund rennur upp þá á það ekki að vera á valdi fárra manna að ákveða hvort taka eigi upp aðildarviðræður.  Það verður að halda þjóðinni vel upplýstri um kosti þess og galla að ganga í ESB til að við, sem byggjum þetta land, getum tekið sjálfstæða og upplýsta ákvörðun um hvað við viljum í þessu sambandi.

Ótrúlegur hroki Sjálfstæðismanna

Ég var að lesa frétt á vísi.is um að deilt væri um þingrof.  Geir H. Haarde formaður Sjálfstæðisflokks sagði: "að stjórnmálaflokkar þyrftu tíma til að undirbúa kosningar og benti á að heimild væri í lögum til að láta þing koma saman á milli þingrofstilkynningar og kosninga til þess að unnt sé að bregðast við óvæntum aðstæðum". „Það er ekkert slíkt yfirvofandi núna sem vitað er um,".  Hvar er maðurinn búinn að vera undanfarið, ekki á Íslandi, það er nokkuð ljóst.  Þvílíkt yfirlæti í manninum að láta sem vandi Íslendinga og íslenskra heimila sé ekki aðkallandi.  Þetta sýnir bara það sem ég hef lengi sagt og það er að Sjálfstæðiflokkurinn er eiginhagsmunaflokkur.  Hann vinnur ekki fyrir fólkið í landinu.  Nú eiga Íslendingar að sameinast allir sem einn og leyfa þessum flokki að vera í stjórnarandstöðu næstu áratugina.

 

Idol KLÚÐUR

Þetta var svo skammarlegt þetta klúður með símakosninguna í Idolinu að ég er stórhneyksluð.  Það á að dæma þessa kosningu ógilda fyrst þeir klúðruðu þessu svona svakalega.  Ég er mjög hneyksluð yfir þessu.  Framvegis horfi ég ekki á þennan þátt. Þeir eiga bara að skammast sín.

Senn líður að kosningum

Nú eru kosningar að ganga í garð og þá er mikilvægt að vera búin að mynda sér sjálfstæða og upplýsta skoðun á þeim flokkum, listum  og hreyfingum er bjóða fram núna.  Ég hef verið ötullegur talsmaður L - listans undanfarið því þeir boða afgerandi stefnu gegn ESB.  L - listinn með Bjarna Harðarson og sr. Þórhall Heimisson í forystu er raunhæfur kostur fyrir þá sem ekki vilja sóa sínu atkvæði á Sjálfstæðisflokkinn.

Nú ættu menn aðeins að bakka

Gefið konunni smá frið til hugsa málið.  Ég hef ekki betur getað heyrt og lesið en að hún sé að hugsa málið.  Ég er mjög fylgjandi því að hún verði formaður Samfylkingarinnar og vona svo sannarlega að hún gefi kost á sér.  En nú er um að gera að sýna smá virðingu og leyfa henni að ákveða þetta í ró og næði.

Blysför til Jóhönnu