"á einni Súmötru" Hvað er það með fréttamenn sem kunna ekki að skrifa

"Á eynni" á þetta auðvitað að vera

Vonin dvínar á Súmötru

Ísland er land mitt..

En spurning hvort íslenska þjóðin verði til sem þjóð mikið lengur. Ef samþykktur verður þessi Icesave samningur þá flýr fólk skipulega til annara landa og eftir 50 ár þá verður íslenska þjóðin orðin minning ein. Það vill engin meðal Jón, engin venjulegur íslendingur eyða ævinni í að borga Icesave, og eins og það sé ekki nóg þá munum við ekki bara eyða okkar eigin ævi í að borga þessa fásinnu heldur dæma afkomendur okkar til að þræla fyrir breta og hollendinga og allt vegna þess að nú skortir fólk með kjark á alþingi íslendinga. Þvílíkur aumingjaskapur það er í stjórnarliðum að ætla að láta þessa skuld falla á þjóðina. Hvar er þjóðarvitundin hjá þessu fólki? Ég get orðið svo reið þegar ég hugsa um þetta en mest ber á vonbrigðatilfinningu. Vonbrigði með Steingrím J og VG sem ég kaus á þing og eru að kjósa yfir þjóðina þrælkun fyrir erlend ríki til framtíðar.

Mótmæli kl. 14, 24 júlí fyrir framan alþingishúsið

Ég skora á alla að mæta á föstudaginn og mótmæla þessum hörmungum sem verið er að kalla yfir íslenska þjóð með þessum samningum. Og ég kalla eftir hinum raunverulega Steingrími J. Sigfússyni. Hvar er karlmannslundin? Hvar er réttlætiskenndin? Hvar er hinn sanni Steingrímur J.? Ég bara spyr því þetta er allt saman á skjön við það sem hann hefur verið að segja undanfarin 18 ár.

Hvorki fyrirvarar né frestun

alls ekki

Ég vona að alþingi samþykki EKKI þessa samninga. Það eiga svo margir eftir að flytja frá Íslandi næstu ár ef þessir samningar verða samþykktir því engum langar til að eyða ævinni í að borga skuldir nokkurra bankamanna sem valsa frjálsir um. Það verður skömm fyrir alþingi ef þessir samningar verða samþykktir. Nú ætla ég að vona að VG standi undir væntingum.

Þrýst á Íslendinga

Icesave

Ef alþingi samþykkir Icesave samningana þá verður fjandinn laus í þjóðfélaginu. Það vill enginn íslendingur verja ævi sinni, barna og barnabarna, í að borga skuldir nokkurra óreiðumanna. Íslendingar eiga eftir að verða mjög reiðir ef þetta samkomulag verður samþykkt. Það er svo hneykslanlegt að þessir menn skuli enn vera gjaldgengir hérna í samfélaginu. Þetta er það versta sem nokkurn tímann hefur komið fyrir okkur. Vissulega eiga eftirlitsstofnanir og ríkisstjórn ábyrgð á þessu líka. Að það skuli enn vera allt þetta fólk á alþingi er með ólíkindum. Íslendingar ættu bara að taka sig saman og reka alla alþingismenn. Velja síðan hæfa menn í þjóðfélaginu til að takast á við þennan vanda. Stjórnmálafólk er núna vanhæfasta fólkið til að leysa þennan vanda. Hjá þeim er aðalatriðið ekki að bjarga þjóðinni frá gjaldþroti heldur að halda bretum og hollendingum góðum til að við fáum frímiða í esb. Það á bara að blása þessa umsókn í esb útaf borðinu, fella Icesave samningana og reyna að finna heillavænlegri leiðir til að bjarga þjóðarskútunni. Það er til nóg af hæfu fólki til að taka á þessu ástandi.

Svartur dagur í sögu Íslands

Þykir líklegt að Jón Sigurðsson heitinn sé búinn að snúa sér nokkrum sinnum í gröfinni vegna þessa máls.  Með þessari umsókn er verið að ónýta allt hans starf og hans elju við að gera íslendinga að sjálfstæðri þjóð.

Búið að sækja um ESB-aðild

Pólitískt sjálfsmorð Steingríms J. Sigfússonar

Hans tími í pólitík er sennilega liðinn.  Hér eftir á fólk eftir að hika við að kjósa flokk sem hann er í forsvari fyrir því að í dag sannaðist að hann á erfitt með að standa við stóryrði síðustu ára. Fólk treystir ekki stjórnmálamanni sem sjaldan, ef nokkurn tíma, stendur við það sem hann hefur lofað kjósendum sínum.

Samþykkt að senda inn umsókn

Sé eftir að hafa ekki kosið þig:)

Loksins þingmenn sem eru að fara að vilja þjóðarinnar.  Ég tek ofan af fyrir þeim.

Þykir leitt að kjósa gegn aðild

Gjörningur á Þingvöllum

Ég skundaði á Þingvöll núna síðdegis með fjölskylduna.  Við vorum nokkur sem hittust þar, í þeim tilgangi að heita á land og þjóð að standa saman sem einn maður gegn því að við verðum sett undir ofurvald elítunnar í Brussel.  Það var rok á Þingvöllum en það setti bara þjóðlegan blæ á samkunduna og ég fylltist þjóðernisstolti við að hlusta á Guðna Karl flytja ræðu, fullan eldmóðs og ástar á landinu sínu.  Það var endað á því að lesa Öxar við ána og þá fylltist ég gífurlegu stolti og ættjarðarást og styrktist í þeirri afstöðu minni að ekkert gott hlytist af þessu daðri við ESB.

Ég er stolt af því að vera íslendingur og ég er fullveldissinni.

Öxar við ána, árdax í ljóma,
upp rísi þjóðlið og skipist í sveit.
Skjótum upp fána, skært lúðrar hljóma,
skundum á þingvöll og treystum vor heit.
Fram, fram, aldrei að víkja.
Fram, fram, bæði menn og fljóð.
Tengjumst tryggðarböndum,
tökum saman höndum,
stríðum, vinnum vorri þjóð.

ESB umsókn í fæðingu

Ekki skil ég afhverju Samfylkingin sækir það svona fast að fara í aðildarviðræður við evrópusambandið. Síst skil ég þó þessa þrákelkni í ljósi þess að meirihluti landsmanna vill ekki sækja um aðild. Þessi umsókn um aðild að esb er þeirra einkaósk, ekki veit ég hverju þeim hefur verið lofað gegn fullveldi landsins, þetta er allt mjög loðið. Þau hafa aldrei sest niður og reynt að útlista KOSTI þess og GALLA, að ganga í sambandið, fyrir kjósendum sínum og landsmönnum öllum. Úr fjarlægð séð lítur þetta út eins og rjúpan sem remdist við staurinn. Það ætla ég að vona að stjórnarandstaðan standi sig í stykkinu núna og einnig að VG standi við þau loforð sem þau gáfu kjósendum sínum. Ég verð svo reið og svekkt þegar ég horfi á Steingrím J láta undan í þessu máli. Hann ætti að skammast sín. Ef hann leyfir Samfylkingunni að halda þessu til streitu þá fer að styttast í endann á hans pólitíska lífi. Þá sjá hans kjósendur að það er EKKERT að marka það sem hann segir. Það er skömm að þessu.