Yfirlýsing Samtaka fullveldissinna varðandi Icesave

 Vill vekja athygli á yfirlýsingu Samtaka fullveldissinna um  Icesave samningana sem fer hér á eftir.

Samtök Fullveldissinna lýsa yfir andstöðu við fyrirliggjandi Icesave-samninga og lýsa undrun sinni á tilraunum ríkisstjórnarinnar til að hræða almenning og Alþingi með áróðri um einangrun þjóðarinnar frá alþjóðasamfélaginu verði samningarnir ekki samþykktir.

Samtök Fullveldissinna minna á skyldur ríkisstjórnar og Alþingis við æsku landsins og hvetur þingmenn til að minnast loforða sinna um að standa með þjóðinni í endurreisn landsins. Það er ekki gert með auknum skuldbindingum sem geta vegið að afkomu allra þegna hennar til frambúðar.

Alþingi ber skylda til að standa á rétti Íslands í Icesave-málinu og láta fara fram ítarlega úttekt á þeim þjóðréttarlegu atriðum sem það varðar. Í núverandi gerð stenst samningurinn ekki lög og milliríkjasamninga. Ákvæði EES samningsins og lög um Tryggingarsjóð Innstæðueigenda undanskilja ábyrgð ríkisins, sbr álit Ríkisendurskoðunar.

 

GREINAGERÐ MEÐ YFIRLÝSINGUNNI:

 

Icesave-samningatillögurnar sem nú liggja fyrir Alþingi fela í sér fjárskuldbindingar fram í tímann langt umfram það sem ríkissjóður getur tekið á sig, eru gerðar undir hótunum af hálfu ESB ríkja og eru í trássi við lög og milliríkjasamninga. Þær þýða að traust umheimsins á að landið geti áfram verið sjálfstætt og fullvalda ríki og staðið við skuldbindingar sínar gagnvart umheiminum mun dvína.

Íslenska ríkið ber ekki ábyrgð á skuldbindingum Tryggingarsjóðs innstæðueigenda og hefur Ríkisendurskoðandi staðfest það álit. Greiðsluskylda er aðeins að því marki sem eignir sjóðsins hrökkva til og hann verður ekki síðar krafinn um frekari greiðslu þótt tjón kröfuhafa hafi ekki verið bætt að fullu.

Séu gerðir raunhæfir samningar um milliríkjasamstarf til þess hámarka verðmæti fallinna banka og koma til móts við innistæðueigendur getur Alþingi og forseti samþykkt þá, séu þeir í samræmi lög og gildandi samninga sem ríkin eru aðilar að. Núgildandi samningar og lög eru skýr hvað varðar innlánstryggingar gömlu íslensku bankaútibúanna og getur hver sá sem telur sig órétti beittan sótt sitt mál fyrir dómstólum og þarf því ekki atbeina Alþingis sem setti lög um innistæðutryggingar fyrir áratug.

Samtök Fullveldissinna harma þá stöðu sem landið er í og vilja að innstæðueigendur í Bretlandi og Hollandi fái sem mest af sínum innstæðum greiddar af eignum Landsbankans. Alþingi getur heimilað að nýir og raunhæfir samningar verði gerðir um Icesave sem Íslendingar geta ráðið við, og eru í samræmi við milliríkjasamninga og að háttum bandalagsþjóða, til þess að hámarka með samvinnu verðmæti eigna fallinna banka.

Í Stjórnarskránni er skýrt tekið fram að skattur verður ekki lagður á nema heimild hafi verið fyrir honum í lögum þegar þau atvik urðu sem ráða skattskyldu og að enginn aðili geti framselt eignir ríkisins. Fyrir núverandi og framtíðar skattgreiðendur liggja ekki frammi upplýsingar um hvernig tryggja eigi fjárframlög og leggja á skatta til að uppfylla ríkisábyrgð þeirra skuldbindinga sem Icesave-samningarnir kynnu að leiða af sér, þegar og ef á hana reynir.

Á hafréttarrástefnunni í Genf árið 1960 greiddu Vestur-Evrópulönd atkvæði gegn landhelgisútfærslu Íslands sem þá byggði gjaldeyristekjur sínar nær eingöngu á fiskútflutningi. Alþjóðadómstóllinn í Haag dæmdi landhelgisútfærsluna í 50 mílur ólögmæta. Árið 1972 neitaði Evrópubandalagið að samþykkja lagfæringu á fríverslunarsamning Íslands við bandalagið nema Íslendingar sættust við Breta og V-Þjóðverja í landhelgisdeilunni. Þá var svipaður hræðsluáróður viðhafður og nú en rættist ekki þó Alþingi stæði fast á rétti Íslands.

Harkaleg aðför ríkisstjórnar Bretlands að íslenskum bönkum og þjóðarhagsmunum stendur enn óbætt og er löngu orðið tímabært að móta kröfur og leita viðræðna um bætur fyrir hana. Að öðrum kosti nást ekki sættir milli Íslands og Stóra-Bretlands.

 

Getur Ísland..

verið í tveim samböndum í einu?  Ef Ísland fer í ESB þá njótum við væntanlega ekki góðs af þessum fríverslunarsamningum sem verið var að undirskrifa.  Nú spyr ég og endilega svarið mér þið sem vitið þetta.  Getur Ísland verið í EFTA og ESB og notið góðs af báðum?

Aukafundur EFTA ef Ísland sækir um aðild

Hrokafull yfirlýsing

Ég skil ekki afhverju þjóðin á að axla ábyrgð á útrás fárra manna sem fóru illa að ráði sínu og fjárfestu langt umfram getu.  Nú á íslenska þjóðin að borga á meðan þessir menn eru bara í rólegheitunum á Cayman´s og gera grín að okkur.  Það ætti nú bara fyrir löngu að vera búið að handtaka þessa menn.  Þeir eiga bara að vera í fangelsi á meðan er verið að rannsaka þessi mál. Ótíndir glæpamenn fá sjaldnast að leika lausum hala á með verið er að rannsaka þá og afhverju ganga þeir þá lausir, þeir sem lögðu Ísland í rúst?  Það vita allir hvað landið stendur illa, en það sem þessir ráðamenn þurfa að gera sér grein fyrir er að þjóðin er ekki í stakk búin til að ganga í ábyrðir fyrir þessum peningum ef við erum líka gjaldþrota.  Nú þarf að treysta grunninn til að við sem byggjum þetta land getum staðið undir auknum álögum.

Langar til að taka það fram að heitið á þessari frétt var fyrst " þjóð í afneitun".  En yfirskriftinni greinilega breytt í "framsóknarmenn í afneitun".

Framsóknarmenn í afneitun

skref í rétta átt

Kannski notar hann þennan skatt til að gera tannlækningar barna og unglinga gjaldfrjálsar

Sykrað gos skattlagt?

Grunaði ekki Gvend

Ég kaus VG því ég gerði mér (greinilega vonlausar) vonir um að þau yrðu í bestu stöðunni til að setja S skóinn fyrir dyrnar í esb málinu.  Ég hef orðið fyrir gífurlegum vonbrigðum með hann Steingrím J.  Það hefur bara sannast núna að menn gera ýmislegt fyrir völdin, m.a að láta kúga sig til að svíkja eigin sannfæringu.  Kannski hefur Steingrímur hugsað sem svo að hann gæti gert meira fyrir þjóðina í ráðherrastóli en í stjórnarandstöðu því það er næsta víst að ef hann hefði ekki látið eftir í þessu máli þá hefði S bara leitað eitthvað annað.  Nú verður maður bara að vona að fyrst svona er komið að hann Steingrímur leyfi S ekki að semja frá okkur landið og miðin, en í rauninni má líta svo á að hann sé þegar búinn að gera það með þessum stjórnarsáttmála.  En einu er ég samt sammála og það er að leggja niðurstöður aðildarviðræðna undir þjóðina.  Því mér finnst ótrúlegur hroki og yfirlæti að treysta ekki þjóðinni til að taka "rétta" ákvörðun um svona stórt mál.  Við íslendingar erum mjög gáfað fólk og ég treysti þjóðinni til að binda enda á þessa esb hringavitleysu.

Ákvörðun um ESB í höndum þjóðarinnar

Ofsóknir

Allt þetta mál er lýsandi dæmi um ofsóknir eins manns á hendur öðrum.  Það hefur löngum verið ljóst að Hannes læknir er ekki vinsæll hjá yfirstjórn HSA fyrir það eitt að hann hefur hag sjúklinga fyrir brjósti.  Ef einhver ætti að láta af störfum þá er það náttúrulega hinn skinnheilagi forstjóri, Einar Rafn.  Einar hefur alltaf haft horn í síðu Hannesar, mann undrar það því Hannes er mjög góður læknir og sinnir sínu starfi vel.  Greinilegt er að Hannes þykir of "sjálfstæður" !!!  Sjálfstæður í þeirri merkingu að hann hugsar fyrst um sjúklingana sína og að gera gott fyrir þá.  Mér er fyrirmunað að skilja hvernig þessi maður, Einar Rafn, komst í þessa stöðu sem hann er í og austfirðingar ættu hreinlega að hrinda af stað byltingu til að koma þessum manni frá.

Til rannsóknar hjá landlækni og Ríkisendurskoðun

Skilur hann ekki

að það vill engin leika við hann lengur

Árni Johnsen segir skipulega unnið gegn sér

Skrá sig núna:)

Ég hvet alla sem annt er um landið sitt og miðin að skrá sig á ósammála.is .

Ósammála punktur is

Ólýðræðisleg Samfylking

Það vona ég að Vinstri grænir sigri þessar kosninar og Steingrímur J. verði forsætisráðherra til að þessi evrópuumræða verði sleginn útaf borðinu.  Ég er reyndar mjög hrifinn af Jóhönnu Sigurðardóttur en þessi blinda evrópustefna hjá Samfylkingunni er bara, hreint út sagt, vitlaus.  Ég held að þau ættu frekar að leggja vinnu í að bjarga okkur úr þessu ástandi sem þjóðin og landið er í.  Meiri hluti landsmanna er á móti aðildarviðræðum og samt er Samfylkingin eitthvað að þrjóskast við þetta. 

Ég hef frá því að ég man eftir mér ekki þolað Sjálfstæðisflokkinn en ég er bara hreinlega farinn að hallast aðeins í þá átt núna.  Óska ríkissjórnin er sú að Vinstri grænir í forsæti myndi stjórn með Sjálfstæðisflokknum.  Þá getum við sofið róleg, þurfum ekki að vera andvaka yfir því að það verði búið að selja Ísland og auðlindirnar með þegar við vöknum að morgni. 

Nú er mikil þörf á því að stjórnmálamennirnir okkar taki sig saman og standi vörð um landið og þjóðina.

Evrópustefnan verði á hreinu

Þessi maður er brandari

Hann Ástþór er náttúrulega bara brandari, en hann má eiga það sem hann á og það er að hann kemur hreyfingu á hlutina og skapar umræðu um þá, sem kannski er ekkert endilega alltaf jákvæð en umræða samt.

Ástþór í Zetunni