Los Angeles Times fréttin - gat verið

Alltaf verður að draga Icesave inn í alla umræðu.  Fréttin um gosið í L.A. Times endar á því að Íslendingar hafi í þjóðaratkvæðagreiðslu neitað að borga Icesave!!  Af hverju eiga allir svona erfitt með að skilja að það var enginn að neita að borga heldur var verið að neita þeim samningi sem var upp á borðinu á þeim tíma.

Frétt um gosið mest lesin á BBC

Smá samsæriskenning...

Getur verið að ástæðan fyrir því að útgáfa skýrslunnar frestast alltaf sé að verið sé að bíða eftir að Icesave samningum ljúki.  Einhvern veginn virðist þetta fara saman!  Íslenska þjóðin á alfarið eftir að neita því að borga eða að það sé samið um Icesave eftir að skýrslan kemur út svo líklegt er að við fáum ekki að sjá þessa skýrslu fyrr en Icesave samningar eru í höfn!

Upplýsingar um útgáfu skýrslu í næstu viku

Þetta var gert við útrásarvíkinga á þessum tíma...

Hvað er gert við þá í dag? Jú, þeir eru látnir ganga fríir og frjálsir og fá að halda áfram að stunda viðskipti.  Nær væri að setja þá alla í fangelsi!

Bein 51 hálshöggvins víkings

Skýr skilaboð

Nú er fyrstu þjóðaratkvæðagreiðslu í sögu lýðveldisins lokið og skilaboðin eru skýr.  Vilji landsmanna kemur skýrt í ljós, núverandi lög um icesave hafa verið felld úr gildi.

Sárast þótti mér þó að hlusta á Jóhönnu og Steingrím í sjónvarpinu í gær.  Þau töluðu niður til þjóðarinnar.  Nú finnst mér að þau ættu að fara að haga sér eins og Íslendingar.  Ekki eins og handbendi Breta og Hollendinga.  Að heyra þau gera lítið úr vilja þjóðarinnar og hreinlega bara gera lítið úr þjóðinni var sorglegt.  Þau þurfa bæði að fara að hugsa sinn gang.  Þjóðin lætur ekki tala svona niður til sín til lengdar.  Þau tvö voru á sínum tíma óska tvíeykið mitt í ríkisstjórn, ég kaus VG á sínum tíma.  Nú fer að verða spurning hvort þau eigi eitthvað erindi í ríkisstjórn landsins, en ef þau fara hvað á þá að koma í staðinn?  Vilja landsmenn sjá Bjarna Ben sem forsætisráðherra?  Ég held ekki.  Með fullri virðingu fyrir Bjarna Ben og Sigmundi Davíð þá eru þeir fulltrúar þeirra flokka sem komu þjóðinni í allt þetta rugl.  Kannski væri betra að sterkir einstaklingar úr VG og Samfylkingunni myndu taka við af þeim Steingrími og Jóhönnu.  Þau eru orðin þreytt og hafa misst öll tengsl við íslenskan veruleika.

Nei sögðu 93,2%

Áfram svo, allir að kjósa

Kæru Íslendingar.  Ekki láta ykkar eftir liggja.  Nú ríður á að landsmenn sýni samstöðu og fari á kjörstað.  Við verðum að sýna að við virðum lýðræðið og viljum vera hluti af lýðræðisþjóðfélagi.  Það er ekki gert með að sitja heima á svona mikilvægum degi í sögu lýðræðisins.  Ég hvet alla til að fara og kjósa.

Íslendingar: Sýnum samstöðu, mætum á kjörstað!

Kjörsókn fer hægt af stað

Kjósum, kjósum

Nú ætla ég að skunda á kjörstað og setja X við NEI.  Nú verðum við Íslendingar að sýna samstöðu og sýna í verki að okkur standi ekki á sama.  Þessi þjóðaratkvæðagreiðsla markar stórkostleg tímamót í lýðræðissögu landsins og við Íslendingar megum ekki senda þau skilaboð út í heim að okkur standi á sama um lýðræðið og á sama um svona stórt mál sem icesave er.  Sýnum vilja okkar í verki og kjósum NEI.  Það er nú eða aldrei, ef við viljum láta taka okkur alvarlega, ef við viljum sýna það að þjóðin í þessu landi standi saman þegar um svona mikið hagsmunamál er að ræða. 

Ég tek ofan fyrir Ólafi Ragnari Grímssyni fyrir að gera þjóðinni kleyft að kjósa um þetta mikilvægt mál.

Allir að fara að kjósa!! 

Eins og blaut tuska...

Að heyra Jóhönnu Sigurðardóttur og Steingrím J. Sigfússon segja ítrekað að fyrirhuguð þjóðaratkvæðagreiðsla skipti engu máli hefur verið eins og að vera ítrekað slegin í andlitið með blautri tusku.  Ég trúði varla mínum eigin eyrum og augum þegar ég heyrði og las þetta.  Forystumenn stjórnarandstöðunnar komust vel að orði í Kastljósi í kvöld þegar þeir sögðu að nú þyrfti þjóðin að standa saman og mæta á kjörstað.  Alveg er ég sammála þessum orðum.  Nú ríður á að allir mæti á kjörstað á morgun og láti í sér heyra.  Nú skiptir samstaðan mestu máli.  Ég ætla að mæta og kjósa NEI.  Vissulega myndi ég vilja að sem flestir kysu nei en það er kannski ekki það sem skiptir mestu máli heldur það að þjóðin nýti þann lýðræðislega rétt sinn sem þjóðaratkvæðagreiðslan er.  Þessar kosningar eru miklu mikilvægari en alþingis eða bæjarstjórnarkosningar verða nokkru sinni.

Ég var að tala við konu í kvöld sem hringdi í mig til að vera alveg viss um að ég færi nú að kjósa á morgun.  Hún sagði svolítið sem sat í mér og það var að nú fyndist henni Jóhanna hafa orðið ömmu sinni til skammar.  Kona þessi rifjaði upp þegar hún sem unglingur fór á fundi verkakvennafélagsins og hvað það hefði verið gaman að hlusta á konurnar ræða málin. 

Nú verður íslenska þjóðin að standa saman og mæta á kjörstað.  Nú verðum við að senda sterk skilaboð, að við sitjum ekki þegandi undir svona kúgun eins og icesave málið er.

Loksins..

Loksins höfum við hér mann sem þorir að segja hlutina hreint út.  Loksins loksins.  Mér finnst forsetinn okkar bara hreint æðislegur .  Ég er mjög ánægð með að hafa kosið hann á sínum tíma.

„Það er verið að kúga okkur"

Hvað er að vera "sjóðdrukkinn"...

Ég hef aldrei áður heyrt talað um sjóðdrukkna menn.  Nær væri að segja sauðdrukkinn.  Ég á bara ekki orð

Sjóðdrukknir gagnrýnendur?

ekki sjens..

Það er bara ekki sjens að ég fari að borga fyrir sjónvarpdagskrá sem byggist á að endursýna sama þáttinn 5 sinnum í viku!!

SkjárEinn verður áskriftarstöð