Gleðilega hátíð

Gleðilega páska allir vinir mínir til sjávar og sveita.  Það er yndislegt að vera í fríi og slappa af.  Strákarnir mínir eru svo miklir grísir   Þið hefðuð átt á sjá þá í morgun þegar þeir voru að borða páskaeggin sín, allir útí súkkulaði með troðfulla munna, smjattandi eins og litlir grísir   þeir eru svo sætir.  Ég á náttúrulega alveg yndisleg börn .

Lífið er yndislegt

Lífið er bara yndislegt og maður á að njóta hvers augnabliks   Smá hugvekja í boði erluperlu

Leggja ætti sjálfstæðisflokkinn niður

Sjálfstæðisflokkurinn hlýtur að vera með vonda samvisku þessa dagana.  Búnir að leggja landið í rúst og láta ekki staðar numið þar heldur reyna að sökkva því líka.  Það er grátlegt að fylgjast með þeim á Alþingi núna. Það er greinilegt að þeir bera enga virðingu fyrir Alþingi og ekki þjóðinni heldur.  Ef þeir létu ekki svona barnalega þá væri búið að keyra öll þessi frumvörp í gegnum þingið og þeir komnir í páskafrí.  Að horfa á fullorðna menn láta Alþingi okkar íslendinga líta út eins og leikvöll misvitra manna er mjög sorglegt.

Sjálfstæðismenn leggja fram sáttatillögu

þvílík móðgun

Fyrir okkur L - listafólk að mogginn skuli nota lógóið okkar til að tákna fylgið við P hreyfingu Ásþórs Magnússonar.

 

Vinstri græn stærst í NV-kjördæmi

Ekki mínar skuldir

Ég neita að borga skuldir Landsbankans (Icesave) og ég neita að borgar skuldir svokallaðra útrásarvíkinga.  Nú fer að koma í ljós hvar hollusta stjórnvalda liggur, er hollustan við landsmenn eða ekki?  Ef íslensk stjórnvöld ætla að láta almenning borga þessar skuldir þá eru þessi sömu stjórnvöld ekki að vinna fyrir Ísland.  Það væri nú gott ef ég hefði verið óábyrg í fjármálum og keypt mér hús sem ég engan vegin réði við að borga af og gæti núna bara látið fólkið í hverfinu borga húsið.  Allir þessir menn kunna ekki að skammast sín.  Það að þeir ætli þjóðinni að borga sínar persónulegu skuldir er löðurmannlegt.

Alþingi íslendinga

Ég á bara ekki orð yfir störf Alþingis í dag og undanfarna daga.  Þingmenn Sjálfstæðisflokksins eru ítrekað að gera lítið úr Alþingi með þessu málþófi sínu.  Ég hef verið að hlusta á þeirra málflutning í þinginu og það skín í gegn hjá þeim að þeir eru svo MÓÐGAÐIR yfir því að þeir séu í minnihluta og í stjórnarandstöðu.  Þeim finnst virkilega að sér vegið að fá ekki lengur að ráða öllu eins og þeir hafa gert undanfarna tvo áratugi.  Þeim er greinilega alveg sama um fólkið í landinu.  Og þeir vilja alls ekki að fólkið í landinu fái að ráða einhverju sjálft.  Þetta er alveg ótrúlegt.  Ég á bara ekki nógu sterk orð til að lýsa fyrirlitningu minni á vinnubrögðum Sjálfstæðisflokksins.

Dagskrártillaga felld

L - listinn dregur framboð sitt til baka

L - listi fullveldissinna mun ekki bjóða fram í komandi Alþingiskosningum. Ákvörðun um þetta var tekin á fundi sem haldinn var í Hafnarfirði í dag, föstudaginn 3. apríl. Hreyfingin mun áfram starfa sem frjáls framboðs- og sjálfstæðishreyfing.

Fréttatilkynninguna í heild sinni má lesa hér

Ókeypis tannlækningar í Reykjavík og hvergi annars staðar

Var að lesa frétt á vísir.is þar sem segir að Tannlæknafélag Íslands og Tannlæknadeild Háskóla Íslands ætli að bjóða uppá fríar tannlækningar fyrir börn.  Þetta ætla þeir að gera á laugardögum milli kl. 10.00 og 13.00. 

Vissulega er þetta að einhverju marki svar við umræðu síðastliðinna daga og mjög flott framtak en betur má ef duga skal.  Það eru fleiri byggðir en Reykjavík á Íslandi.  Hvað með börnin sem búa á Ísafirði eða á Raufarhöfn.  Það kostar sitt að ferðast til Reykjavíkur og á endanum yrði það dýrara fyrir foreldra útá landi að ferðast til Rvík fyrir fría tannlæknaþjónustu heldur en að fara með barnið til tannlæknis í sinni heimabyggð.

Nú er alltaf verið að tala um að ekki eigi að mismuna börnum en þetta er mismunum af verstu sort.   Hvernig gagnast þetta fjölskyldum útá landi.  Fyrst þeir eru á annað borð að gera þetta þá ættu þeir að ganga alla leið og fara í helstu þéttbýliskjarna útá landi og bjóða þessa þjónustu einnig þar.

Núna ættu stjórnarherrar þessa lands að sýna að þeim sé annt um þjóðina, sýna það í verki og afnema gjald fyrir tannlækningar barna.

Það á að gera hann útlægan

Það er ALLTAF ósiðlegt að fremja glæpi gagnvart börnum en þegar að prestur gerir það þá er það mun alvarlegra en annars vegna þess að sem prestur nýtur hann trausts barna.  Sagði Jesú ekki: "leyfið börnunum að koma til mín því þeirra er himnaríki".  Það ætti að gera þennan mann brottrækan frá Íslandi.  Og það á að svipta hann vígsluleyfi og starfsheiti.

Sóknarnefnd leggst gegn endurkomu Gunnars

Grunngildin

Nú þarf áherslan í þjóðfélaginu að vera á grunngildin.  Grunngildi og grunnatvinnuvegi.  Vinna þarf að því nú að gera þetta að fjölskylduvænu þjóðfélagi. Börn þekkja varla foreldra sína lengur vegna þess að við erum öll svo upptekinn af lífsgæðakapphlaupinu að við gleymum því dýrmætasta sem við eigum, sem eru börnin okkar.

L - listi fullveldissinna vill stuðla að fjölskylduvænna þjóðfélagi.  L - listinn vill einnig stuðla að bættri atvinnustefnu sem felur í sér að efla grunnatvinnuvegina okkar.  Í því felst m.a. að efla fiskvinnslu í landi og fullvinna afurðir.  Við eigum gríðarleg sóknarfæri þar, einnig að efla landbúnaðinn, að búin hafi tækifæri til að vinna sínar afurðir lengra en gert er í dag.

L - listinn hefur fram að tefla fólki sem leggur áherslu á þessi gildi, fólki sem kemur til dyranna eins og það er klætt, stendur og fellur með sínum orðum.  Nú í dag er mjög mikil þörf fyrir fólk sem hlustar á þjóðina og fer að vilja hennar.  Það vill brenna við að þeir sem eru við stjórnvölinn í dag geri bara það sem þeir telja best fyrir þjóðina. 

Nú býðst okkur, fólkinu í landinu, loksins að kjósa á þing fólk sem framkvæmir í umboði þjóðarinnar, fólk sem hlustar á hvað þjóðin vill og framkvæmir eftir því.

Þessi pistill birtist í Morgunblaðinu í dag, 30.03.09.